29/6/2010
ئا:خیری شنگالی
حه‌مۆ ژ دایك بوویێ سالا 1952 ل گوندی چه‌ته‌لێ ل سوریا بووه ده‌رباره‌ی ڕه‌حمه‌تیێ بابێ خووه‌ی سترانبێژ (قاسمێ مه‌یرو) دبیژێت:
بابێ م قاسم كوڕی حه‌سوێ چوچۆیه ژ عه‌شیره‌تا شه‌رقیا له سالا 1920 ل گوندێ (گۆلا فه‌قیرا) سه‌ر ب ویرانشار ل كوردستانا باكور. ژبه‌ر كه بابێ ویی زوو مربوو ب ناڤێ داكر هلددان... ناڤێ داكا ویی مه‌یرێ برۆیێ شه‌رقی ئه‌وژی خه‌لكێ باكورا كوردستانێ بوون. بابێ من ئێ خۆرتبوو وه‌ختێ هاتیه گوندی چه‌ته‌لێ ل سوریا سه‌ر ب حه‌سه‌كه‌ڤه بووه ل نزیك عامودێ. هنگی ل سوریا زه‌وجی ژ سارا عه‌لیێ حسێن ژ عه‌شیره‌تا بلكا ئێزدی ئه‌وژی ژ گوندێ چه‌ته‌لێ بووه. بروێ كه‌چه‌ل كه سترانبێژه‌كی ناڤدارێ ئێزدیابوو ئی ژ مرۆڤێت داكا بابێ منی قاسم بوو دیم دگۆتێ خالۆ وه‌كه م ژ بابێ خووه بهیستی سترانێت خووه د به‌ری ژ خالێ خووه‌یی برویێ كه‌چه‌لێ شه‌رقی هلگرتینه.
* ئایه قاسمێ مه‌یرۆ ته‌مبور زانی؟
- ڤێ تالیێ ته‌مبور دژه‌نی.
* چما بابێ ته ژ كوردستانا باكور هاته سوریا و ل دوڕه هاته عیراقێ؟
- وی جاغی ل تركیا بوون ژبه‌ر نه‌خووه‌شیا و زولم زۆرداریا حكومه‌تا توركیا ئێزدی دهاتنه عیراق و خووه ل شنگالێ دگرتن.
* هه‌كه ب بیرا ته تێ سترانا هه‌ره به‌ری یان سترانا هه‌ره پێ خوه‌ش چبوو؟
- زه‌مبیل فروش یه‌كه‌م سترانا ویی بووه... به‌لی گه‌له‌كێ كێفا خووه ژ سترانێت وی زیده‌تر ئێت شه‌ڕا بوون یان ئێت ئه‌ڤینداریێ بوون. وه‌ك نه‌واخا براهیم پاشا حه‌مێ وكنعێ وسه‌ید خانێ كه‌ر، شه‌رێ ته‌مر به‌گێ زه‌ری... هتد. * بابێ ته كه‌نگی چووه به‌ر ڕه‌حما خودێ؟
- ل سالا (2002) ئه‌مرێ خودێ كر ل مالێ ل گوندێ ڕه‌مبوسێ ل سه‌ر ماتۆرا خووه‌بوو ل نزیك گوندی كورۆڤی. * هون چه‌ند خوشك وبرا ژی ماون؟
- ئه‌زو برایه‌كی خووه (مه‌روان) و خوشكه‌ك ناڤێ وێ زه‌ریفه ئه‌م ئه‌ڤ ژ داكا به‌رینه... به‌لێ بابێ مه ژنه‌كه دیژی ئانیبوو ناڤێ وێ بێشێ خودێدا حه‌جی ژ فه‌قیرێت مالا وسو ل سۆلاغێ. زارویێت وێژی چار كوڕو شه‌ش كه‌چن.
* ژ به‌ر چ دیم ب ته ناڤ ل خووه ددا و دگۆت ئه‌ز بابێ حه‌مۆ مه؟
- ژبه‌ر ئه‌ز كوڕێ وی مه‌زن بووم.
* بابێ ته چه‌ند ستران زانین؟
- كاری ژ سبه‌هی هه‌تا ئێڤاری سترانێ ب سه‌ر یه‌كڤه بیژێ.
* ت سترانا زانی؟
- ئه‌ز گه‌له‌كا ژ سترانێت بابێ خووه زانم.
* بابێ ته دووركێت دروونی زانین؟
- به‌لێ و ل دروونێ ژی ئی خورتبوو.
* ته چی دی هه‌یه ت ل سه‌ر بابێ خووه بیژی؟
- ئه‌ز تشته‌كی دی ژی نزانم. و گه‌له‌ك مه‌منون.
السبت فبراير 15, 2014 2:11 am من طرف 
اليومية
